بؤلوم : شعر
دوشنبه 15 اردیبهشت 1393     یازار :  kölgə siz
+0
بوز چیچَگیگلدی چپیش كیمی شن، شئیطان، وَرهو،نازلانا ـ نازلانا اوزومه باخدی.اَلده نئچه بوتا بوز چیچگی، اوْ،گوللری هَوسلن گولدانا تاخدی.«بونلاری یادیگار ساخلارسان مندن»،دئیه ـ گؤیرچینیم پیرلادی، گئتدی.غمزه سی اوْخ كیمی دَیدی سینه مدن،اوْو ایكن اوْوچوسون اوْولادی گئتدی.گولداندا بوتالار قالدی بیر زامان،گوللری قورودو، تؤكولدو بیرـ بیر.منیم ده ایچیمی دوْغرادی هیجران،بو نازین، اَدانین معناسی نَدیر؟منی بیر دفعه لیك آتیردی اگر،گئدنده گول نه یه وئردی یادیگار؟بیلمیردی، بیلمیردی، بیلمیردی مگر،گول نه قدر عؤمر ائدر، نه قدَر یاشار؟اوْنا سؤیله مه دیم، دئمه دیم ندَن:دَریلن چیچكدن یادیگار اوْلماز!یوزده گؤزه تله سن، یوزده سو وئرسن،كؤكوندن آیریلان، سارالار، قالماز!نه بیلیم، بلكه ده اوْ آج مارالین،گومانی بو گوله گلیرمیش تكجه.بیر ده یارامازا، نه یارجی ـ یارین،صاباحین معناسین بیله یدی نئجه؟صاباحسیز كئچمیشدی عؤمرو همیشه،كدرلر عؤمورلوك، سئوینجلر بیر آن.صاباحدان نه اوموب، كوسه جكدی نه؟سحری سیخینتی، آخشامی حیرمان.اوْ، سئللر اوزونده اوزَن بیر كوْلون،بوتاسیندا آچان گوله بنزردی.هر آن بو دهشتلی طالعین، یوْلون،داشلی دالغالاری باغرین اَزردی.اوْ سیرت قایالارین قوزو جئیرانی،قورشونلو ـ پیچاقلی شَهَرده دوْستاق.بیر قارین مینّتلی چؤرك قوربانی،هر گئجه بیر قوردون ائوینده قوْناق.اؤزو باختی قارا پریلر كیمین،پئشه سی بخته ور، دئولره خیدمت.قوْینو بخته ورلیك اوْجاغی، لاكین،نصیبی قارا گون، قیسمتی حسرت.عشقه، محبّته سوسوز اوره یی،گاه ایكی یه باغلی، گاه اوچه باغلی.اومودو، آرزیسی، عئشقی، دیلَگی،بیلمز نه یه باغلی، لاپ هئچه باغلی.نئجه كی قلبیندن چیخارتدی، آتدی،بوْرانلی گئجه ده باش آلدی گئتدی.غوبارلی كؤنولدن توفان قوْپارتدی،دومانلار ایچینده ایتدی كی، ایتدی.بیر نئجه دالینجا دوْلاندیم خسته،یئره ـ گؤیه زنجیر سالدیم، تاپمادیم.آختاردیم، قوْیمادیم داشی داش اوسته،هر یاندان سوْراغین آلدیم، تاپمادیم.گون كئچدی، آی كئچدی، ایل ده دوْلاندی،حسرتین كؤنولدن آتا بیلمه دیم.منیم ده سارامی سئللر آپاردی،نه دنسه اَلیندن توتا بیلمه دیم.اؤزو ایتدی ـ باتدی، دوماندا ـ چنده،گولو ده قورودو، تؤكولدو، اوْلسون!غمینی یادیگار ساخلارام من ده،غم كی، چیچك دئییل سارالسین، سوْلسون!اونودان دئییلم دردین، نیسگیلین،سهند طاقتی وار منده ده، قاللام.شیرینین اؤزو تك غمی ده شیرین،گئدیبسه، مئهریمی غمینه ساللام.دونن قار یاغیردی، باخدیم باغچاـ باغ،سوْن یاپراقلارین دا تؤكوب، ساچمیشدی.یالینجا بوتالار اَسیردی زاغ ـ زاغ،لاكین بوز چیچگی، چیچك آچمیشدی.ائله بیل بیر آندا عالم دَییشدی،بولودلار دانیشدی، سس گلدی چندن.ایچیمه سسلردن وَلوَله دوشدو:«بونلاری یادیگار ساخلارسان مندن»!بوز چیچگی، منیم سئوگی چیچگیم،آلقیش بو دؤزومه، ایلقارا آلقیش!شاختایا، بوْرانا كیم دؤزرمیش، كیم،سنده نه درین معنا واریمیش!قیزین! اورگیمین اوْدونا قیزین!سن، منیم عئشقیمین سوْن باهاریسان.اوْ گوناهسیز قیزین، پناهسیز قیزین،بوْراندا گول آچان یادیگاریسان.سنی اورگیمه اَكیرم باری،كؤكسومده كؤك سالیب، بوداق آتاسان.یاغدیقجا باشیما زمانه قاری،هئی چیچك آچاسان، چیچك آچاسان
آچار سؤزلر : شعر,