پـاسلانمیشـ اینسانـ

زنگان تورکـ،Zəngan Türk

“اَکیز تایی”نین تورشمزه‌لری – ۲۱ (بختیمین یاکریمی)

0 گؤروش
یازار:‌ kölgə siz


قات قومارباز کیمی ألینده‌کینی ائله میز اوسته چیرپدی، دیسکیندیم. دئدیم بلکه تک‌خالدان، قیزیل اونلوقدان زادداندی. ساماوار باشیندا چای سوزه- سوزه بویلانیب باخدیم. دوغوردان دا اونلوق‌ایدی. آمما آباجی قیزیل اونلوق یئرینه بیر جوت گؤم گؤی اون‌مین تومنلیک اسکناسی میز اوسته چیرپمیشدی. ایستکانی اسکناس‌لارین کنارینا قویدوم. چایین گیلاناری رنگیندن کئف ائله‌‌سم ده، اوره‌ییمده آلـلاه- آلـلاه ائله‌ییردیم، آباجی چایی ایچمه‌دن تولابورونلوق ائله‌مه‌سین. هر نه واخت تنبل‌لیک ائله‌ییب، تی‌بگ‌ایله تلم‌تله‌سیک چای حاضیرلاسام، آباجی دییر: «قیزیم، من هئچ، اؤزگه دئیلم، آمما یادیندا قالسین جووان أزن قوناخ قاباغینا احمد ماحمیدین کیسه چایینی یوخ، گؤزل دم چحمیش شهرزاد چایی قویار»؛ شوکورلر اولسون کی آباجی‌نین فیکری، شیش‌دانگ میز اوسته‌کی اسکناس‌لاردایدی.

گؤزوم، بدنیمین ارگانلارینین هامیسیندان قاباق قوجالیب. آمما پیر چشمی‌یه مبتلا اولماق دا ایکی باشلی قیلینج کیمی بیر شئی‌دیر. قفیلدن، اسکناس اوسته، سعدی‌نین مزارینین بؤیرونده یازیلمیش شعره گؤزوم ساتاشدی. اؤزومدن تعجب ائله‌دیم کی نییه ایندی‌یه جان اسکناسین اوستونه یازیلمیش شعره دقت وئرمه‌میشم.
بنی آدم اعضای یکدیگرند
که در آفرینش ز یک گوهرند
سعدی‌نین شعری ذهنیمی قاریشدیردی. اؤز- اؤزومه دئدیم گؤره‌سن منیم جوهریم ده آباجی‌نین جوهریندندی؟ جوره به جوره بنی‌آدم‌لر گلیب تیکیلدی گؤزومون قاباغینا. معرفت‌دن دولوب داشان بنی آدم، آداملیقدان پایی آز اولموش بنی آدم، بیر گؤی اون مین‌لییه محتاج اولان بنی آدم، میلیون‌لاری بیر امضایلا اودوب، اوستوندن سو ایچن بنی‌آدم، حامبال زاده بنی آدم، کارمند زاده بنی آدم، زرگرزاده بنی آدم، آغازاده بنی آدم …
– بو پوللار ندی آباجی؟ خئیر اولا؟
– بالا دور آیاغا، گئداخ منه باح‌لارین بیرینده بیر حساب آچاخ. سوروشموشام. حساب آشماغا لاپ آزی ۲۰ مین ایستیر.
– آباجی، بانک حسابی سنین نه کاریوا گله‌جک؟ اولمویا ائوینده گنج تاپیلیب؟
– بالا، خبرین یوخدی، شانسیم دوروب. گَنج یولدادی، آللاه دئیه‌ن اولسا بو تئزلییه ألیمه چاتار.
شوخلوغا سالیب دئدیم: «آباجی، گنج سرحدّدین اوتاییندا یا بو تاییندا؟»
– سرحدّ مرحدّ ندی بالا؟ سن ده لاپ کالا کئه‌سن ها!
آباجی چوخ جدی ایدی. ها فیکرلشدیم آباجینین سؤز ائتدییی گنج هاردان ألینه چاتا بولر؛ بیر یئره چاتمادیم. آتا- آناسی ایللر قاباق رحمته گئتمیشدی. من بیله‌سی وارلی- کارلی قوهومو دا یوخ‌ایدی دئییم آباجی‌یا میراث قالیب. او ایسه منیم چاش- باش قالمیش حالیمی گؤروب دئدی:
– بالا اؤزووو چوخ زورا سالما. قوی سؤزون آچیغینی دئییم دا. دونن آخشام اؤز- اؤزومه دئدیم ایندی کی اوروشلوخدی، هئچ اولماسا دور آیاغا، گئت بیر اوروشلوخ کوکه‌سی آل، نوبار ائله. ائله تازا تشریفات قنادی‌سینین قاپیسیندان آیاغیمی ائشییه قویموشدوم، بیر دن بیره گؤیدن بیر شئی تیپ، یاخاما دوشدو. تیتدامیش بامادور یئره دوشنده نئجه آچیلار، یاکرمین ده یاش زیلی، دمیر ۵۰۰ تومنلیک یئکه‌لیخده یاخامدا آچیلدی. آللاهین گیجو قوشو یوواسینین توالتی ایله منیم اوست- باشیمی دَییشیح توتموشدی. آز قالدیم خیاواندا قیشقیریب، دئییم: «گ…ون قُووشسون»، آمما بیردن بیره آنامین سؤزو یادیما دوشدو. «قوش پ… و هر کیمین باشینا دوشسه، خوش یومن اولار» دئمه بَه شانسیم دوروب بالا. بیر بئله ایل آدام‌لاردان کار چیخمادی، ایندی بو یاکریم منی مال- دؤولته چاتدیراجاقمیش.
– آباجی، بو سؤزلرین هامیسی افسانه‌دی. ناغیلدی.
– ماهانا گتیمه، دور آیاغا. بیراز سورا باح‌لار تعطیل اولار. بیر گون ده بیر گوندی. ایسته‌میرم بهره‌سی ألیمنن چیخسین.
– آی آباجی، باری ماجال وئر مال- دؤولت ألیوه یئتیشسین سورا بانکدا حساب آچ. آخی ۲۰ مین تومنین نئچه بهره‌سی اولار؟
– آلــلاه کریمدی بالا. بیردن گؤردون قاپینی آچینجا آستانادا بیر توربا پول تاپدیم!
یئریمدن قالخاراق سعدی‌نین آیری بیر شعرینی اؤز- اؤزومه میزیلداندیم:
ای کریمی که از خزانه غیب
گبر و ترسا وظیفه خور داری
دوستان را کجا کنی محروم…

آردینی اوخو
سه شنبه 7 مهر 1394

شانس سیز اوغرو

0 گؤروش
یازار:‌ kölgə siz


گئجه‌نین لاپ او شیرین یوخو گلن زامانی، دووراین یاپیشیغینداکی آغاجدان دیرماشیب ائوین حَیَطینه آتیلدی. سینه-سینه ائوه ساری گئدیب، الین یاپیشاجاغا آتیب قاپینین آچیق اولدوغونو گؤروب، سئویندی!
ایچه‌ری گیرنده، بیر کیشی‌نین اوتاقدا یوخودا اولدوغونو گؤردو. آی‌ین ایچه‌ری‌یه دوشن ایشیغیندا ائوی آلت-اوست ائتدی، آما آپارماق اوچون درده ده‌ین بیرزاد تاپا بیلمه‌دی. اومودو پوزولوب قاچماق ایسته‌دیگی آن، ائو ییه‌سی یوخولو-یوخولو، “آی باشی داشلی اوغرو گون ایشیغیندا من بو ائوده بیرزاد تاپا بیلمیرم، سن، آی ایشیغیندا تاپماق ایسته‌ییرسن؟” دئییب، یورقانی تپه‌سینه چکدی!


یازار : حسین واحدی

آردینی اوخو
چهارشنبه 24 تیر 1394

قارغا

0 گؤروش
یازار:‌ kölgə siz


  • قارغا قارغا قاق دئدى 
  • چیق بو دالا باق دئدی
  • قارغا پینیر گتیردی
  • سیچان یئدی بیتیردی
  • قارغا اوچدو از گئتدی
  • ده ره تپه دوز گئتدی


قیرق بئش ایل ئونجه عراقدا تورکمنلره کولتوره ل حقی تانیناندا ,
مکتبده بیرینجی صنفی تورکمن دیلی کتابندا بو یازی قارغا حقده واردی .
بوردا قارغا حقنده بیر حیکایه...


-- بیر گون قارغا گلیر گاوورلرن (خریستییانلار ) کلسه سینین خاچی ئوزه رینه قونوب( قاق قاق) سه سلر خاچین ئوزه رینه پیسله یب اوچار گیده ر, 
ایکینجی گون تکرار ایده ر , سونرا ایش گونده تکرار اولور ,بونو گوره ن خریستییاتلار گیده رلر پاپازلارینه شکایت ایده لر ,
پاپاز دئیه ر : بو ایش یه مسلمانلارن ایشیدی یه یهودیلرن !!
سورشورلار بس نجه بیلک بو قارغا مسلماندی یه یهودی ؟ 
پاپاز دئیه ر : بیر پارچا دوه ائتی گتیرن , ازدا شراب بیراقین بیر قابا,
گوره ک دوه ائتی یرسه یهودی دگیل مسلماندی ,
شراب ایچه رسه مسلمان دگیل یهودیدر ؟
دوه ائتینی ایله ,بیر قابدا شراب ,کلسه نین خاچی کینارینا بیراقیرلار !!
قارغا گلیر (قاق قاق) سه سلر خاچ اوزه رینه پیسلر,سونرا انیب دوه ائتینن یه ر , بیر از شرابدا ایچه ر, مست اولوب دوشر , قارغانی توتارلار پاپاز یانینه گتیریرلر ,
پاپاز سوروشور : نه یاپدی قارغا ؟
دئیه رلر : گونده کی گیبی خاچا بیسله دی ,اما هم دوه ائتی یئدی هم شرابده ایچدی مست اولوب دوشدی .
پاپاز دئیه ر :والله حیرتدی ایندی خاچا بیسلیسن خریستییان دگیلسن
دوه ائتی ییسه ن یهودی دگیلسن,
شرا ب ایچیرسن مسلمان دگیلسن , بس سن نه دینده سن قارغا؟؟؟.
بو جور کیمسه لرده وار بیلینمز نه دینده دی.

آردینی اوخو
پنجشنبه 18 تیر 1394