بؤلوم : شعر
چهارشنبه 17 اردیبهشت 1393     یازار :  kölgə siz
+0
یار قلبیمه یول سالسا گتیررم ، نئـجه گلمَـــــز ! عشقیمله سازین چالسا گتیــررم ، نئجه گلمز ! آختارسام اؤزوم ، تاپسام اؤزوم ، بیـر دیله دوتسام كؤنـلوم گـؤیـولون آلسا ، گتیـــررم نئجه گلمز ! سالسام قـولـومـو بوینونـا اول سئوگولومون من سورسام دوداغیـن بـالسا گتیررم ، نئجه گلمز ! گـولسوز قـورو اودلاردی سالان آیـریـلیـقی، یـار یـوللار تیـكانیـن یـولسا ، گتیـــررم نئجـه گلمــز ! سؤندورمه اومود شمعینی ای غافیل او سئوگیم دردیـمله یـانیب سولسا ، گتیــررم ،نئجه گلمـز ! سیرداشیـــم اؤزو بیرده كی جان قِـیدینه یالنیز دیوانـــه صفت قـالسا گتیـــررم ، نئجـه گلمــز ! » بـو رسمدی كی آی یئـرینه گون گئجه گلمز گـر جذبه ی عشق اولسا گتیررم ، نئجه گلمز ! « سن دردینی آچ سؤیله دادا ، سیل سرشكی گؤزلـــردن اورك دولسا گتیــررم ، نئجه گلمــــز !