پـاسلانمیشـ اینسانـ

زنگان تورکـ،Zəngan Türk

یار قلبیمه یول سالسا گتیررم ، نئـجه گلمَـــــز ؟!

0 گؤروش
یازار:‌ kölgə siz



یار قلبیمه یول سالسا گتیررم ، نئـجه گلمَـــــز !
عشقیمله سازین چالسا گتیــررم ، نئجه گلمز !

آختارسام اؤزوم ، تاپسام اؤزوم ، بیـر دیله دوتسام
کؤنـلوم گـؤیـولون آلسا ، گتیـــررم نئجه گلمز !

سالسام قـولـومـو بوینونـا اول سئوگولومون من
سورسام دوداغیـن بـالسا گتیررم ، نئجه گلمز !

گـولسوز قـورو اودلاردی سالان آیـریـلیـقی، یـار
یـوللار تیـکانیـن یـولسا ، گتیـــررم نئجـه گلمــز !

سؤندورمه اومود شمعینی ای غافیل او سئوگیم
دردیـمله یـانیب سولسا ، گتیــررم ،نئجه گلمـز !

سیرداشیـــم اؤزو بیرده کی جان قِـیدینه یالنیز
دیوانـــه صفت قـالسا گتیـــررم ، نئجـه گلمــز ! »

بـو رسمدی کی آی یئـرینه گون گئجه گلمز
گـر جذبه ی عشق اولسا گتیررم ، نئجه گلمز ! «

سن دردینی آچ سؤیله دادا ، سیل سرشکی
گؤزلـــردن اورک دولسا گتیــررم ، نئجه گلمــــز !


دادا بیلوردی

چهارشنبه 17 اردیبهشت 1393
بؤلوملر : شعر و ادبیات,

اولدوز سایاراق گوزلمیشم هر گئجه یاری...

0 گؤروش
یازار:‌ kölgə siz




اولدوز سایاراق گوزلمیشم هر گئجه یاری
گئج گلمه ده دیر یار یئنه اولموش گئجه یاری

گوزلر آسیلی یوخ نه قارالتی نه ده بیر سس
باتمیش قولاغیم گور نه دوشورمکده دی داری

یاتمیش هامی بیر آلله اویاقدیر داها بی من
مندن اشاغی کیمسه یوخ اونداندا یوخاری

قورخوم بودو یار گلمیه بیردن یاریلا صبح
باغریم یاریلار صبحوم آچیلما سنی تاری

دان اولدوزو ایستیر چیخا گوز یالواری چیخما
او چخماسادا اولدوزومون یوخدی چیخاری

عشقین کی قرارینده وفا اولمیاجاغمیش
بیلمم کی طبیعت نیه قویموش بو قراری


شهریار

دوشنبه 15 اردیبهشت 1393
بؤلوملر : شعر و ادبیات,

آغ آتیم

0 گؤروش
یازار:‌ kölgə siz


هوشنگ جعفری


آغ آتیم

آغ آتیم ، قول قاناتیم 

آت قدمین یورتما یئری(۱)! 

آش تپه لردن 

سیلدیریم تک سره لر دن 

سئله سینمیش دره لردن 

بو نه طوفاندی گوزل گهلیگیمی ایستیر آییرسین فره لردن(۲) 

غیرتیم جوشه گلیر غملی خبر دن 

آغ آتیم قورخما خطر دن! 

آغ آتیم ، قول قاناتیم 
.

.

.

.


ادامه مطلب...>>>>>

پنجشنبه 11 اردیبهشت 1393
بؤلوملر : شعر و ادبیات,

یار آغلادی من آغلادیم

0 گؤروش
یازار:‌ kölgə siz

اوستاد بو گوزل شعرینى اؤز یاشاییش یولداشینا دئییب دیر...


  • یارین بویون قوجاقلادیم ، یار آغلادى من آغلادیم 
  • ییغیشدى قونشولار بوتون ، جار آغلادى من آغلادیم 
  • باشیندا قار قالان داغا ، دانیشدیم آیریلیق سؤزون 
  • بیر آه چئکیب باشینداکى ، قار آغلادى من آغلادیم 
  • طاریمدا نار آغاجلارى منی گؤروب دانیشدیلار 
  • بویومو زیتون اوخشادى ، نار آغلادى من آغلادیم
  • ائله کی اسدی بیر خزان ، تالاندى گوللریم منیم
  • خبر چاتینجا بولبوله ، خار آغلادی من آغلادیم 
  • اوره ک سؤزون دئدیم تارا ، سیملر اولدو پارا پارا
  • یاواش یاواش سیزیلدادى ، تار آغلادى من آغلادیم 
  • دئدیم کی حق منیمکیدى باشیمی چئکدیلر دارا 
  • طناب کسنده بوینومو ، دار آغلادى من آغلادیم 
  • »جعفرى « یم ؛ بویوم بالا ، غم سینه مده قالا قالا
  • یار جانیمی آلا آلا ، یار آغلادی من آغلادیم

دوشنبه 8 اردیبهشت 1393
بؤلوملر : شعر و ادبیات,

آزربایجانین موحتشم شاعیری : علی آقا واحید

0 گؤروش
یازار:‌ kölgə siz



علی آقا واحید


عشق اولان یئرده بوتون عاقل و دانا دلیدیر
سالدی یوسف کیمی اؤز سئوگیلیسین زندانه
قویدی رسوالیقی عالمده ؛ زلیخا دلیدیر 
عشق زنجیرینین افتاده سی بیر من دگیلم
هوسی سیلسله عشقیله دونیا دلیدیر
 سریلیر چینینه ؛ گاه قوینونا ؛ گاه قامتینه
 اژدهالر کیمی ؛ اؤ زولف چلیپا دلیدیر
 بیر وفاسیز گؤل اوچون ناله سی دونیانی توتور
 عاشقین قلبی کیمی ؛ بولبول شیدا دلیدیر
 بیرجه شیرین ایله فرهاده مذمت یوخدور
وادی عشقیده وامیق دلیدیر ؛ عذرا دلیدیر
 ال گؤتورمز بو قارا گؤزلولرین زولفوندن
هر یئتن ظن ائلیر واحیدی گویا دلیدیر

شنبه 2 فروردین 1393
بؤلوملر : شعر و ادبیات,

اوشـاقــلار آی اوشـاقـــلار

0 گؤروش
یازار:‌ kölgə siz



ارسلان میرزایی


اوشـاقــلار آی اوشـاقـــلار
گلینـگ تـا بئل باغــلایاگ

اؤزگه دیلی دؤشونده
تـورکـی دیلـی سـاخلایاگ

گنجشکه بیز قـوش دئره گ
آشنــایـا تـانیـش دئـره گ

ابـره بـولـوت سـؤیله ره گ
بـارانـا یــاغیـش دئــره گ
.
.
.
.
.


ادامه مطلب...>>>>>>

سه شنبه 13 اسفند 1392
بؤلوملر : شعر و ادبیات,

رمضان گلدی...!

0 گؤروش
یازار:‌ kölgə siz


استاد کریمی مراغه ای


گینه گلدی رمضان هامی مسلمان اولاجاق
دین اسلام اوجالوب خلق مسلمان اولاجاق
گله جاق غیرته فاسق اولاجاق اهل تمیز
ائتدیقی معصیته جمله پشیمان اولاجاق
بزنوب خار مغیلان گیره جاق گل دونونا
نخل سنجد دوزه لوب سرو خرامان اولاجاق
مسجدون تاخجاسی حسرت قالاجاق مهر اوزونه
هره بیر مهر تاپوپ بنده ی یزدان اولاجاق
بیر محرمده چیخوب شاهقلی بیگ مسجددن
بیرده بو آیدا گلوب داخل ایوان اولاجاق
اون بیر آییدور یومویوبدور گ…یار قلی بیگ
ایمدی حمامه گئدوب شاد و خرامان اولاجاق
قولاقین دورد ائلیوب ماللیا آغزین آچاجاق
باشینی سیلکه لیوب واله و حیران اولاجاق
.
.
.
.

ادامه مطلب... >>>>

جمعه 9 اسفند 1392
بؤلوملر : شعر و ادبیات,