اکین چی لیک ؛ کاتا خوراسانینگ تورک قالاریندا (کند لرینده) آرپا، بوغدا، مرجیمک (موجو) و لوبیا و نوخود و باشقا بوجور زادلاری اکیب دره مک پئشه سیدیر. بو پئشه ایندلیکده چوخ راق تیراختور و کمباین وسیله اله باشا گلیر. آنجاق قدیم و کئچمیش چاغدا سیغیر(اکوز) لاری جوت قوشوب اکینچیلیک ائلردیلر. آرپا- بوغدانی دا اوراقلا بیچردیلر

چرچی لیک: قالادان قالایا (کندن کنده)، اویاندان بو یانا گزیب ارزاق آل-وئرینه چرچی لیک، بو ایشی گٶره نه ده چرچی دئییلر.

چودارچی لیق: مال دوار آل- وئرچی سینه چودار و اونون پئشه سینه چودارچی لیق دئییرلر .

آری (زامیر) چی لیق: بال اریسی نی ساخلاییب بال اوره تن ایشه آری (زامیر) چی لیق دئییلر

چٶره ک چی لیک : چٶره ک خانادا چٶره ک یاپان آداما چٶره ک چی و انونو پئشه سینه چٶره ک چی لیک دئییرلر.

دمیر چی لیک: دمیری ایستی (قیزیسی) کوره ده قیزدیریب یا اریدیب و مختلف وسایل لر او جمله دن : اوراق، گاوهان، چوکوش، و… دوزلدن آداملارین پئشه سینه دمیر چی لیک دئییرلر.

قوروقچولوق: باهارین آراسیندان سونرا قالاردا (کندلرده ) زمی لری یا دا مال – دووار لاردان قورونماسی اوچون بیر کیشی قوروقچو توتارلار، اونا حاق وئریب و زمان تعیین ائییلر قوروقچویا ایختیار وئررلر قورغو پوزانلارلا شدله برخرد ائله سین.

چوپانلیق : باهارین ایلک گونلریندن قالالاردا (کندلرده) قار یئرده دوشنه قدر قویون قوزولاری سورو- سورو آپاریب چولده، داغدا، مئشه ده و… اوتاران آداملارین ایشنه چوپانلیق دئییرلر.

جوتچولوک : قلعه یا دا کندلرده ایکی سیغیر بونونا تولوغو سالیب خئشه قوشوب یئرسوررلر. بو پئشه یه باخان آداما جوتچو و بو ایشه جوتچولوک دئییرلر.

سودچولوک: کندلی لرین قویون و اینک سودلرینی آلیپ پنیر، سود، یوغورت، مسکه (کره) اورتن ایشه سودچولوک دئییرلر.

آردینی اوخو
چهارشنبه 24 تیر 1394
بؤلوملر : تاریخ و فرهنگ,